Индер аудандық орталық ауруханасының емхана бөлімшесінің мәжіліс  залында «Туберкулез клиникасы, диагностикасы және профилактикасы. Туберкулез ауруы бойынша жаңа құжатты таныстырып түсіндіру» тақырыптарында  семинар кеңес  өттті. Индер аудандық орталық ауруханасының бас дәрігері А.Доспаева баяндама жасап, емдеу сауықтыру қызметкерлеріне Атырау облыстық денсаулық сақтау басқармасының  кеңестік   хаттамалары, облыстық туберкулезге қарсы күрес диспансерінің  хаттарымен таныстырды. Бас дәрігердің емхана жөніндегі орынбасары  Қазақстан Республикасының Денсаулық сақтау министрлігінің 2014 жылғы 22 тамыздағы №19 бұйрығы бойынша талқылады. Индер аудандық туберкулезге қарсы күрес диспансерінің бас дәрігері Т.Каналин Манту сынамасы және  БЦЖ жою туралы хабарлама жасады. Аудандық тұтынушылардың құқықтарын қорғау басқармасының бас маманы  А.Қосымбаева  Туберкулез және оның алдын алу шаралары. Қақырық жинау туралы емдеу сауықтыру қызметкерлеріне семинар өткізіп, түсіндірме жұмыстарын жүргізді.

Семинар кеңеске  барлығы 49 медицина қызметкерлері қатысып, оның ішінде дәрігер саны – 14, мейірбике саны – 33, аудандық тұтынушылардың құқықтарын қорғау басқармасының мамандары – 2. Семинар кеңестің  соңында  участкелік бөлім меңгерушісі  Г.Салық  туберкулез және оның алдын алу шараларына қорытынды жасады.

Аудандық аурухана әкімшілігі