Ағымдағы жылдың 9 қыркүйек күні салауатты өмір салтын қалыптастыру мақсатында «Денсаулық фестивалі-2017» өткізілді. Шара аясында "Аудандық жүгіру марафоны", "Веложарыс", "Кір тасын көтеру", "Қол күресі", "Жағажай волейболы" ұйымдастырылды. Шараға аудан тұрғындарымен қатар, мекемелерден, аудандық білім беру мекемелерінің ұстаздары мен оқушылары белсене қатынасты. Аудандық мәдениет үйінің алдында шараның ашылу салтанаты өтіп, аудан әкімінің орынбасары Д.Шамұратов мерекемен құттықтап, қатынасушыларға сәттілік тіледі. Сонымен қатар, орталық аурухананың директоры А.Доспаева аудан тұрғындарын салауатты өмір салтын ұстануға шақырды. Ойын шарттарымен таныстыру үшін аудандық спорт бөлімінің басшысы Н.Бисенбаевқа сөз берілді.