Сіздерді кәсіптік мерекелеріңіз-мейіргерлер күнімен шын жүректен құттықтаймыз. Сіздер қайырымдылық пен мейірімділіктің, ізгіліктің жаршысы іспеттісіздер! Сондықтан да медицина саласы қызметкерлері күніне бүкілхалықтық мерекеге айналуы заңды құбылыс екені даусыз. Құрметті мейіргерлер Сіздердің ерен еңбектеріңізге, шипалы алақандарыңызға, мейірімді жүректеріңізге алғысымыз шексіз.Сіздердің жұмыстарыңыз халыққа қуаныш сыйлап, өздеріңізді нұрға бөлесін.Сіздерге мықты денсаулық, күш-жігер,баянды бақыт және жаңа табыстар тілейміз деп аудандық аурухана бас дәрігері А.Доспаева құттықтады. «Мейірімді мейіргер» байқауға төрелік ететін әділ-қазы алқаларымен және сайысқа қатысушы мейіргерлермен таныстырылды: 1.Рахатова Гүлім –Елтай ДА қарасты Қызылтөбе Медициналық пунктінің фельдшері, 2.Сағынғалиева Айнұр- Көктоғай ДА-ң күндізгі аурухана мейіргері, 3.Сисенбаева Гулнар –Бөдене ДА мейіргері, 4.Мерханова Айгерім-Есбол ДА жалпы практикалық дәрігер мейіргері, 5.Сабенова Мейрамгул –Жарсуат ДА мейіргері, 6.Демешова Айна –Индер аудандық емхананың 4-ші ЖПД мейіргері, 7.Сүлейменова Ляззат-Өрлік ДА фельдшері, 8.Нурадинова Гулзара –Аудандық аурухана күндізгі бөлім мейіргері.
Байқаудың турлары:
- Таныстыру
- Өнер сайысы
- Дәм-думан
- Сән үлгісі
«Денсаулық» -адам үшін баға жетппес байлық.Бұл күн құрмет пен алғысқа бөленген, Гиппократ антын қабылдап, қай кезде болмасын әрдайым сенімділікті сақтайтын, асқан шеберліктің иесі ақ халатты абзал жандардың мерекесі». «Медицина кәсібі –адамгершіліктің асылы» сондықтан барлық мейіргерлерді құттықтау сөз Индер аудандық орталық аурухананың емхана ісі-жөніндегі орынбасары және аудандық медицина қызметкерлері кәсіподақ ұйымы төрайымы Қаражанова Куляш Құбайдоллақызына берілді. Келесі сайысымыз үй тапсырмасы бойынша әрбір мейіргер өз өнерлерін ортаға салды.
Жас пен кәріге, жалпы адамзаттың бәріне көмек қолын созып,жанын қоярға жер таптырмай азаптанған ауруынан айықтырып,ақ халатты періштедей көз алдында көлбеңдей жүріп,жанына дауа,тәніне шипа болардай ем беріп, сөзінің тәттісімен,көзінің жақсысымен науқастың көңілін көтеріп,өмірге деген құлшынысын арттырып,ертелі-кеш ерінбей,ел үшін еңбек етіп, халықтың алғыс-сауабын арқалаған ақ халатты абзал жандарды құттықтау сөз Индер аудандық орталық аурухана бас дәрігерінің аурухана ісі жөніндегі орынбасары Зайтова Гулмира Бағытжанқызына берілді. Келесі тур дәм-думан бұл кезеңде сайыскерлеріміз дайындап әкелген тағам түрлерін таныстырып әділ-қазы алқаларына тапсырды. Соңғы тур сән үлгісі мейіргерлеріміз өздері дайындаған сән үлгілерін ұсынды.
Серік етіп сезімі мен сабырын
Іздеп таптыақыл-ойдың алыбын
Ұзақ өмір сүруіне сүйрейді
Әр сәбидің алпыс екі тамырын
Дерт үшін жол тапты жатқан қинап
Тәтті күміс күлкісін қолға ұстатты
Халықтың денсаулығын адал қорғап-
Сайыстың қорытынды кезеңі марапаттау сәтіде келіп жетті.Мейіргерлерді марапаттау үшін сөз кезегі әділ-қазылар алқасына берілді. «Мейірімді мейіргер» сайысында I орынды жеңіп алған Сүлейменова Ляззат-Өрлік ДА фельдшері, II орын Сабенова Мейрамгул –Жарсуат ДА мейіргері, III орын Демешова Айна –Индер аудандық емхананың 4-ші ЖПД мейіргері, ал қалған мейіргерлерді осы сайысқа қатысқаны үшін бағалы сыйлықтар табыс етілді.
Аудандық аурухана ұжымы
